𝙂𝙊𝙇𝘼𝙋 𝙂𝙊𝙇𝘼𝙋 𝘽𝙊𝙉𝙏𝘼𝙍

Penulis : Ando Lan 

Tikki i hira-hira taon 1994 naung salpu. Kalas 4 SD ma au tikki i.

Heama sahali, mulak ma au dohot Omakku sian jabu ni dongan sahuta jam tonga pitu borngin, manaruhon anak ni manuk lao tukkar ni anak ni huting.

Iboan hami ma anak ni huting on ibagasan palastik ni pupuk urea na bottar.

Dang adong iboan hami setter manang massis. Ai dang sangaja leleng hinan hami mulak.

Na lalap do Omakku marnonangi dohot Nabboru Nai Porman asa gabe habornginan hami mulak.

Mardomu muse nga pas mulak Amangboru Amani Porman tikki i sian paragatan.

Ilean ma hami minum tuak. Tabo tuaknai. Boama baru ibuat sian bonana.

Jai mardalan ma hami i parkopian. Holom hian nama dalani ala patu jobba akka dakka ni kopi i tu dalan.

Huida langit nga lam makkolom. Golap golap bottar nama langit.

"Puurrrr..!!!"

Tarsonggot ma au jala marsisir ibbulukku ala toppu marhabangan akka pidong sian dakka ni kopi nai pinggir dalan i.

Adongma i adduhur, sipahut, abbaroba, sitapi-tapi, dohot akka na asing.

Salpu parkopian i, hubolus hami ma paremean naung ias hona rogoan.

Tiur ma attong idaon isi, ala paltak tarida langit, dang adong hau na tibbo na manukkoti.

Attar hira-hira 50 meter nai i jolo nami, adong ma sirpang opat. Jala molo tu hambirang, kuburan ma isi.

Jotjot do marsisir ibbulukku mamolus sian on.

Alai molo mardongan do au, dang mabiar au nanggo saotik.

Toppu huida ma adong dua halak ro sian jolo nami. Dang boi dope hubereng bohina atikna ise.

Nga naeng jonok be tu sirpang opat i. Hurippu do lurus halaki tu jolo asa masibolusan hami.

Hape pittor tu habbirang do halaki lao. Ima arah tu kuburan i. Tu siamun mai molo  sian hami.

Jarak 5 meter nama hami sian halaki na mamolus i.

"Ise doi Oma? Dang hutadda!"

Nikku ma tu Omakku.

"Ise do maksudmu ise?"

Inna Omakkon ma manukkun au.

"Ni Oma! Na mardalan i."

Nikku ma mangalusi.

"Na dia. Soadong hubereng jolma."

Inna Omakkon ma.

"Boa i dang i bereng ho, Oma! Ni dope halaki!"

Nikku ma muse.

Mungkin omakkon nga sadar ra na tarberengku do "naso ni ida i".

Atik na mabiar pe Omakkon manang na daong, alai dang ipatuduhon na mabiar Imana.

Alai tahe Omakku kebetulan dang parbiar. Apalagi ma Bapakku.

"Ah, dang adong manang aha. Etama! Dalani ma!"

Inna ma tu au.

Baru ittor marsisir ma daba ibbulukku. Hubereng ma Omakku tu pudi, hutiop ma Imana.

"Na mabiar do ho?"

Inna ma tu au.

"Ido!"

Nikku.

"Aha si habiaran isi. Tuhan do dongatta."

Inna Omakkon ma tu au.

"Jai, isedo naeng i ate Oma? Takkas hian do huida nakkin."

Nikku ma muse.

"Ah, ise petaho i. Unang pola sai pikkiri i. Pahatopma na mardalan i. Asa hatop hita sahat!"

Ninna Omakkon ma tu au.

Jai ala ni biarhu, gabe Omakku ma hu suru ijolo. Au ma ipudi huhut hutiop Omakku sian pudi.

Hubereng ma nian da, tu pudi.

Hape hubereng ma muse jolma na dua sinakkin nga mulak sian arah ni kuburan i.

Saonari halaki lurus tu jolo. Jai dang tu arah nami halaki ro. Alai manaborang ma halaki i sirpang opat i.

Ia na hubereng on 2 halak tarhira ama-ama dohot ina-ina do, na marumur 65 tu 70 taon.

Nga ubanon halaki nadua. Jala sarupa marbaju na bottar do halaki nadua.

Dang adong hubege makkatai halaki.

Mangirput ma au, hu haolma Omakku gomos, jala marikkat ma au tu jolo.

"Ai ahai?"

Inna Omakku ma manukkun au.

"Huida muse halaki Oma. Mulak halaki muse sian arah ni kuburan an.

Alai lurus do halaki tu sabola juma ni halak si Joslan an."

Nikkuma sabbil apar mabiar.

"Unang sai berengi tu pudi!"

Inna Omakku ma.

Baru mallabas ma daba pinasa i bonana.

Apar tarsonggot hian ma au ibaen i.

Sai hurippu do begu mallapak sian bona ni pinasa i.

"Pinasa doi madabu."

Inna Omakku ma asa unang mabiar au.

Baru hubereng ma daba i bonani pinasa na sadanai, adong hera jolma mardalan.

"Oma. Hera adong jolma isan!"

Nikkuma marhusip na gogo.

"Amangboru do i !!"

Inna Oma ma maddok parjuma i.

"Leleng ma mulak Amangboru!"

Nikkuma manggora na huida hami on.

Alai dang ialusi au.

Ittor mallubus ma imana sian bonani pinasa i kaluar tu dalan. Na hatopan pardalan na.

Hera na mangullus nama. Jala mamolus do imana sian jolo nami manaborang tu bona ni kopi i sabola habbirang nami.

Jala hera naso maddege tano do huida imana.

"Eta. Eta. Pahatop."

Inna Omakku ma tu au huhut itiop abarakku na mardalan i.

"Ugeb do hape ate Oma."

Nikku ma sabbil mamereng tu pudi.

"Ido haroa. Unang pola mabiar ho. Adong do Tuhan Jesus i labbungta."

Inna Omakkonma paposson rohakku.

"Mabiar doi tu Tuhan Jesus kan Oma."

Nikku ma tu Omakku.

"Ido."

Inna Omakku mangalusi.

Sogot nai hu ceritahon hami doi tu Amangboru parjuma i. Porsea do Amangboru i i hata nami.

Dang hinata, nga habornginan hamu lewat."

Inna Amangboru i tu hami.

"Ai au pe jam onom sore nga ikkon mulak au sian on. Dang barani be au mulak jam 6 lewat."

Inna Amangboru i muse.

Jai hu bahas hami ma nian tentang pinasa na madabu i.

Hape dang adong daba pinasa na madabu. Ai so adong tarida pinasa peak itano i.

Gabe lam marsisir ma hurasa tikki i, ala gabe hu bayakkon na begu na binereng nami ido haroa sitoho na mallubus manang mallapak sian gijjang.

Jai ima jo tusi!!!

-----------------------

Tolu ari nai sian i, lao ma hami maranggap tu jabu ni si Lisdiu.

Ala sordak (sorang dakdanak) ijabu ni halaki. Tubu adek ni si Lisdiu.

Tong ma tonga pitu borngin au lao dohot Oma. Iboan Oma on ma battal dohot gobar lao pakkeon nami annon.

Marsubbu ma hami lao asa adong patiurhon dalan nami.

Alana sada do setter nami. Ipe nga iboan Bapa lao markoor tu jabu ni parhangir.

Alana Bapakku attong anggota ni mannen do i Gareja nami.

Tiur hian do attong subbu nami on. Ai na balgaan apina.

Ai balga hian do ibaen Bapa subbuna, sian sitaguddal. Jala botol na botol ni limun do ibaen Bapa.

Gogo hian pe alogo, dang na olo mittop subbu nami on.

Dang mabiar au mardalan, ala adong do subbu itanganku.

Na huboto mabiar do inna begu tu api manang tu na tiur.

"Oma. Isi dope naeng sinarahai. Asa hu sulhut pakke subbu on."

Nikku ma nian tu Omakkon pas mangalewati bona ni pinasai hami.

"Molo mangalo imana ittor hu surbu!"

Nikku muse. 😀

Baru dapot ma muse sirpang opat na tu kuburan i.

"Oma. Ison do si dua halak si narahai."

Nikku ma muse.

"Sai sude do ingot-ingoton mu."

Inna Omakku ma.

"Alai dang barani ra halaki ake Oma, ala ibereng aong subbutta."

Nikku muse.

"Olo!"

Inna Omakkon ma mangalusi.

Baru dung i, adong ma sirpang tolu.

Hami tu kiri ma lao tu jabu ni si Lisdiu. Adong ma da, bonani kalapa i pinggir dalan i.

Huida ma adong jolma majjakkit. Nga pas iparsitongaan imana.

Na majjakit on hera doli-doli na marumur hira2 mar 25 taon.

Hape na jelas, dang adong be anakkon ni parjuma i marumur nasai.

Jala nga patu mangaratto be sude.

Holan halaki nadua nama tinggal ihuta.

Jai heran ma au, ise do na majjakit kalapa i.

Panakko doi manang na ise?

Ai molo na isuru parjuma ido mabbuat kalapa, dang mungkin borngin-borngin.

Jai na huida on, pas lao turun do leakna imana. Ai marsilussur do imana sian gijjang tu toru.

Na hubege do soara ni patna orgos tu bona ni kalapa i, ido asa hubereng tu gijjang.

Hape ittor nakkok ma imana muse tu gijjang. Na hatopan parnakkokna. Jala ittor lasso haidaan be. Dang maddege tangga ni kalapa i.

Alai hera na mangissir do parnakkok na tu gijjang.

Asing kan!!

Sai hu momari ma tu na humaliang. Sabbil huberengi tu gijjang torus.

Ai songon naso mungkin hulala jolma i sian cara parnakkok na i.

"Etama. Unang sai momari tu gijjang. Atek begu gajjang i."

Inna Omakku ma pasingotton au.

"Tuhan Jesus, ramoti hami Tuhan!"

Nikkuma ibagasan rohakku.

Au memang nga iajari Bapakku dohot Omakku sian mulai na gelleng, asa porsea jala marhaposan tu Jesus.

Ido asa ittor lao rohakku majjou Ibana natape holan ibagas roha.

"Ibereng ho do tong nakkin, Oma?"

Nikkuma tu Oma.

"Hubereng do harebbosna. Alai dang pola takkas."

Inna Omakku ma tu au.

"Molo au na takkasan huida."

Nikku muse.

"Sai jotjot do olo tarbereng mu ate songon-songon i."

Inna Omakku ma.

Sahat ma hami di paranggapan, dung attar hira-hira saparopat jom naung makkata hatai, ipaboa Oma ma na masai tu sude jolma nai jabui.

Marippoti ma Nabboru Nai Hendra dohot Ito Nan Tolhas sian dapur pas mabbaen kopi dohot tes manis halaki nadua.

"Amang jo inong on. Gabe mabiar iba."

Inna Ito Nan Tolhas.

"Ijuma nami ipe daba Eda adong do haroa mangingani."

Inna Nattulang Na Lamhot ma.

"Alana molo mulak maragat itom, sai adong do inna ibereng isi. Makana hudok unang sai pabotari hu ho maragat, nikku!"

Inna Nattulang i ma tu Oma.

"Ai rata2 do i Eda, isude ladang do adong i. Alai tutu dang sai taida."

Inna Nabboru Nai Manutur ma.

"Ido. Toho doi. Dang sai ipatuduhon dirina tu hita, da ido."

Inna Nabboru Oppu si Sumihar ma muse.

Ai ipudi jabu nami ipe Eda, sai tarbege do soarana molo nga jam 11 tu gijjang."

Inna Nabboru Oppu si Risma ma muse.

"Boa i?"

Inna Nattulang Nan Sihol ma patakkasson.

"Ido, Eda. Sitoho do. Sipata ma hera na mekkel begeon. Alang hera na tangis."

Inna Nabboru i mangalusi.

"Amang tahe. Gabe mardisir ibulukku."

Inna Ito Nai Ester ma.

Roma muse Oppung Oppu si Marittan, ipaboa ma na saminggu na salpu, ipakkulingi imana do ugeb manang "naso ni idai" idalan.

"Pas mulak au saminggu na salpu sian Sidikkalang, jai ala sega motor ni si Taronggal, gabe habornginan au sahat ijabu. Mar jam pitu mara i au na sahat i."

Inna mamulai cerita.

"Jai pas ilabbung juma ni Oppu si Parningotan i kan, nga hurang takkas huida be dalan on. Huida adong ama-ama ijolokku.

Sai hulojong, sai hu pahatop na mardalan on. Asa rap hami idok rohakku."

"Labbat do imana mardalan, alai dang marna boi huadu. Sai hu pahojot mardalan dang marna dapottu imana."

"Paima jo Ama Robin!"

"Nikku ma nian Manggora sian pudi. Ai hera Ama Robin huida sian pudi.

Alai dang i alusi au. Dang nanggo ibereng tu pudi.

Na hunaon do naeng Ama Robin on, inna rohakku i bagasan.

Sona nengel nian on, inna rohakku."

"Alai toema, holan songoni pe nga tabba pos rohakku, adong donganku mamolus paima tu sirpang jabunai, inna rohakku."

"Hape tep ma daba i bonani bulu muna i, Nan Dorkas, (inna ma tu Akkang Nan Dorkas)

Ittor manekong ma imana tu bonani bulu i mallubus."

"Pamerenganku pas do tu tonga-tonga ni bulu godang i imana lao.

Anggo isipe mardisir ma daba ibulukku iroham. Marjabbang ma ulukku."

Amang... naso ni idai do hape! Inna rohakku ma.

"Ramoti au Tuhan, jolma pardosa on." Nikku ma marsoara. Ai nga apar mabiar hulala.

Naeng marikkat au, alai mabiar au. Gabe mardalan biasama au sappe sahat!"

Inna Oppung, Oppu si Marittan ma macceritahon pengalaman na.

"Sera-seraon au, Eda!"

Inna Nabboru Nai Bissar ma sabbil mangapus-apus tanganna.

"Alai hutnang majo, boasa ate molo nga mabiar iba, marikkat pe lasso barani iba."

Inna Nabboru Oppu si Lamtiur ma.

"Ba songoni ma haroa, poang!"

Inna Nabboru Oppu si Masniar ma mangalusi.

"Molo au nian dang hea dope huida begu, bah!"

Inna Nattulang Na Riama ma.

"Ah, au hea do!"

Inna Nabboru Oppu si Melur.

"Au pe hea do!!"

Inna Ito Nai Jonson.

"Au na jotjotan ma tarberengku songoni!"

Inna Nabboru Nai Manganar ma muse huhut marsisir.

"Alai daba si Jonson nami dang parbiar daba. Parbarani do songon Amangbaom. Sai sahat ma."

Inna Ito Nai Jonson.

"Hea narahai hami mulak habornginan, pas lewat sian hariara ni Oppu si Japiker i, adong ibege hami mardaras baru ittor adongma habang na bottar."

"Sai hera abit2 na habang. Ittor ibarat si Jonson do daba.

Amang! Macceritahon pe ni, tong mardisir ibbulukku."

Inna Ito i pasaehon hatana.

--------------------

Bayakkon hamu jo ces, ibarat inna begu ibona ni hariara.

Menurut hamu nga pabaranihu inna rohamu si Jonson i, manang biasa-biasa dope i?

Ai hutnang abbal ni hata, iboto hamu do tahe lapatan ni "ibarat"?

Molo ibarat sarupa mai dohot idanggur.

Toema, olat nion majo ceritakkon ate.

Iboto hamu do, na hu karang-karang do on. Alai dohot au marsisir pas makkarang-karang on. Jeana nai bah!

Hamu pe sai anggiat ma marsisir majjaha on ate. Hehe.. 😀

Mauliate. Horas!

Ando Lan 

.

.

.

NB : Thread ini dikemas dgn gaya Bahasa Batak Toba (Balige) dgn penyisipan kata-kata serapan dari Bahasa Indonesia.

Sengaja tdk menggunakan Bahasa Batak baku atau tulen utk memudahkan pembaca memahami artinya.

Dan sengaja menuliskan cara membacanya, bukan sesuai dgn cara menulisnya, agar pembaca tdk kesulitan membacanya.

Ini asli karangan saya sendiri, bukan hasil copy paste dari sumber lain.

Nantikan thread-thread saya selanjutnya dlm Bahasa Indonesia.